Deputeti i Lidhjes Demokratike, Driton Selmanaj, ka reaguar pas fjalëve të ambasadorit amerikan, Jeffrey Hovenier, i cili pas nënshkrimit të grantit 34 milionë eurosh tha se përkushtimi amerikan ndaj popullit të Ksoovës “nuk do të thotë që vlen edhe për Qeverinë”.
Selmanaj e quajti ShBA-në “mik të mirë në ditë të vështira” teksa konstatoi se tashmë është mjaftueshëm e qartë që “nuk mundesh me qenë edhe me Amerikën edhe me përkrahë Kurtin”.
Postimi i Selmanajt:
Miku i mirë në ditë të vështira.
Edhe pse i zoti i shtëpisë ka ndërruar kahje dhe ka dëmtuar marrëdhëniet me aleatin 🇺🇸 e përhershëm të Kosovës, SHBA edhe një herë na konfirmon se, ndryshe nga qeveria e Kosovës, Amerika nuk e braktis interesin e popullit të Kosovës.
Çdo ditë e më shumë po bëhet e qartë. Nuk mundesh me qenë edhe me Amerikën dhe me perkrahë Albin Kurtin.
