Selimi: Protesta brenda parlamentit dhe në sheshe kundër demarkacionit

Deputeti i Lëvizjes Vetëvendosje Rexhep Selimi, ka thënë për Indeksonline, se marrëveshja e demarkacionit me Malin e Zi, është një situatë e cila nuk duhet të ndodhë. Ai ka konfirmuar se janë në kulmin e organizimit të protestës që po e organizojnë më 1 Shtator.
“Nuk mund të flas për një situatë të pas ratifikimit të demarkacionit, situatë e cila nuk duhet të ndodh. Unë mund të rikonfirmoj edhe njëherë që Demarkacioni me Malin e Zi nuk duhet të kalojë dhe duhet me çdo kusht të zhbëhet”, ka thënë ai.
Deputeti Selimi ka thënë se do të ketë protesta brenda parlamentit dhe sheshet e kryeqytetit ku do ta pamundësojnë votimin e kësaj marrëveshje të dëmshme.