Policia e Kosovës ka njoftuar se ka parandaluar kontrabandën me mallra që po vinin nga Serbia dhe synim e kishin tregun e Kosovës.
Në Karaqevë të Epërme është ndaluar një automjet dhe pas kontrolleve janë gjetur 1005 kg foli plastike, për të cilat nuk kishte asnjë dokument.
“Sipas mbishkrimeve malli dyshohej se ishte me origjinë nga Serbia (vlera e mallit sipas tregut është mbi 13.000 €)”, thuhet në një komunikatë.
Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli i kontrabanduar sekuestrohet dhe dërgohet në terminalin doganor për procedura të mëtejme.
