Në Roterdam të Holandës janë sekuestruar rreth 330 kg kokainë, me vlerë që llogaritet të jetë 10 milionë euro.
Policia nisi dyshimet, pasi u zbuluan dy shqiptarë në pjesën e sigurisë së lartë, ku zbarkohen kontenierët.
Menjëherë policia kontrolloi sektorin ku u arrestuan shqiptarët duke zbuluar dhe sasinë e madhe të drogës.
Të dhënat ABC News i ka mësuar nga një burim i Policisë së Roterdamit.
Sipas autoriteteve holandeze kjo ngjarje është provë e fuqizimit të kriminelëve shqiptarë në këtë vend. Ndërkohë, para disa ditëve një postbllok policie është sulmuar.
Forcat e rendit kanë reaguar duke qëlluar në ajër. Mendohet që incidenti ka lidhje, pasi për disa ditë ka pasur informacion që mund të vinte një sasi e madhe droge në Rotterdam.
