Këtë të hënë në orën 12:00 do të shqyrtohet nga Apeli I GJKKO ankimimi i familjarëve të Ervis Martinajt, mbi sekuestrimin e 34 pasurive të luajtshme dhe të paluajtshme, ndër to, apartamente, toka, aksione kompanish e automjete.
I shumëkërkuari Ervis Martinaj është shpallur i zhdukur nga familjarët verën e vitit që lamë pas, duke pretenduar se nuk kishin më asnjë kontakt me të. Ende nuk ka asnjë të dhënë mbi fatin e tij nga autoritetet. 2 pista janë të dyshuara, vrasja e tij nga kundërshtarët si dhe inskenimi i zhdukjes nga vetë i shumëkërkuari.
