Nënkryetari i Vetëvendosjes, Dardan Sejdiu ka reaguar pas dënimit të katër deputetëve të VV-së për hedhjen e gazit lotsjellës në Kuvendin e Kosovës.
Ai, në Facebook, ka shkruar se ky dënim është dënim ndaj të gjithë popullit të Kosovës.
“Dënimet e shqiptuara sot nga Gjykata Themelore në Prishtinë, ne fakt janë dënime për gjithë popullin e Kosoves. Albini, Albulena, Donika dhe Fatoni janë vetëm disa nga qindra mijëra që protestuan kundër marrëveshjeve që rrezikonin Republikën!”, ka shkruar Sejdiu.
Gjykata Themelore sot ka dënuar me kusht deputetët e VV-së Albin Kurti, Donika Kadaj-Bujupi, Albulena Haxhiu dhe Faton Topalli.