Emisioni “Favorit” vjen edhe këtë të diel në ekranet tuaja, me një panel fantastic.
Valon Zymberi nga Drita, Arbër Avdyli e Taulant Dajaku opinionistë dhe Gani Sejdiu, trajner e kompletojnë panelin e natës së sontme.
Në diskutim e sipër për Dritën dhe paraqitjen e saj në Europë sivjet, foli edhe trajneri Gani Sejdiu.
Ai tha se Drita e sivjetme është shumë e fuqishme, dhe e sheh si kandidate serioze për titull.
“Drita kishte krijuar një ekip të fuqishme, e pash edhe në ndeshjen e fundit. E ka plotësuar ekipin me elemente të duhura, derisa unë e shoh si kandidaten më serioze për titullin e kampionit”, tha ai.
Tutje, ai komentoi edhe paraqitjen e Ballkanit në Europë.
“Ballkani ka ndryshuar shumë ekipin për sezonin e ri. Nuk ka arritur t’i zëvendësojë lojtarët e larguar, si Gripshi, Dellova e Thaqi”, tha ai.
