Ministrja e Punëve të Jashtme, Donika Gërvalla, duke folur në një aktivitet të organizuar nga MPJ-ja për mërgimtarët, pasi performoi Dafina Zeqiri, tha se ajo “e këndoi këngën e presidentes – ‘llafe, llafe’”.
Mu për këtë u pyet presidentja Vjosa Osmani në konferencën pas takimit, e cila ia ktheu “diss”-in Gërvallës me disa rreshta të një kënge të Dafina Zeqirit – “Me kast, mjeshtër i mashtrimeve, me kast përsëritës i gabimeve.”
Pas kësaj ka ironizuar Nol Nushi nga PSD-ja, i cili ka publikuar një këngë, duke thënë se Osmani i përgjigjet Gërvalles dhe Kurtit.
Nushi ka publikuar këngën “Se ti m’ke vra me puthje mekatare, më shumë gënjeshtra ti ma shkatërrove jetën, se ti s’ke faj, vec unë jam mekatare se të deshta e kam hy në gjyna me veten…”
