Komuna e Prishtinës ka njoftuar se nga muaji gusht i këtij viti do të fillojë zbatimi i masave ndëshkuese për të gjitha lokalet që nuk respektojnë decibelët e lejuar për nivelin e zërit të muzikës.
Këtë njoftim, Komuna e Prishtinës e ka bërë në llogarinë e saj në Facebook.
“Sot u mbajt takim i frytshëm në mes Drejtorisë së Inspeksionit, zyrtarëve të Komunës së Prishtinës dhe anëtarëve të Shoqatës së Gastronomëve, ku kanë diskutuar për zbatimin sa më të lehtë dhe të mirë të rregullores për ndotjen akustike”, thuhet në njoftim.
