“S’e kam lirinë për të zbuluar sekrete”, Guerot thotë se Aneksi flet qartë për krijimin e Asociacionit

Në qendrën mediatike në Çagllavicë është duke u mbajtur një diskutim për propozimin evropian për normalizimin e raporteve Kosovë-Serbi.

Në këtë diskutim ka folur ambasadori i Francës, Olivier Guerot. I pyetur nëse sipas marrëveshjes Kosova duhet të fillojë krijimin e Asociacionit, diplomati francez ka thënë se në tekstin e Aneksit të Implementimit është shume e qartë që kërkohet themelimi i Asociacionit.

“Mendoj që kam qenë shumë i qartë. Presim na Qeveria e Kosovës, siç ceket në Aneks që Kosova fillon negociatat në dialogun e lehtësuar nga BE-ja dhe ofron garanci për të siguruar një nivel të vetëqeverisjes të komunave me shumicë serbe të Kosovës në pajtim me marrëveshjet dhe për ne teksti është i qartë që flet për krijim të Asociacionit”, ka thënë Guerot.

Tutje ka thënë se s’e ka lirinë për të zbuluar sekrete.