Vendet e G7 kanë bërë të ditur se do të përdorin 50 miliardë dollarë nga asetet e ngrira ruse për të financuar Ukrainën.
Paratë do të përdoren për të ndihmuar Ukrainën që të blejë shpejt gjithçka, nga armët tek investimet në rindërtimin e infrastrukturës së saj energjetike.
Në margjinat e G7, kancelari gjerman, Olaf Scholz, foli me gazetarët rreth planit.
“Ky është një angazhim shumë i fortë, i cili, meqë ra fjala, i jep popullit të Ukrainës kurajë për të bërë atë që tani është e nevojshme për të mbrojtur pavarësinë dhe sovranitetin e tyre”, tha ai.
“Është gjithashtu një sinjal i qartë për presidentin rus se ai nuk mund ta heqë këtë gjë dhe të shpresojë se për shkak të problemeve fiskale në disa vende që sot mbështesin Ukrainën, ai një ditë do ta fitojë këtë luftë”, ka thënë Scholz, shkruan BBC