Kancelari gjerman, Olaf Scholz në fjalimin e parë në Konferencën e njohur të Sigurisë në Munich i kushtoi vëmendje të posaçme edhe Ballkanit Perëndimor.
Në Konferencën e Sigurisë në Munich, kancelari gjerman, Olaf Scholz në fjalimin e së shtunës, ku në qendër ishin tensionet aktuale me Rusinë, foli edhe për integrimin e Ballkanit Perëndimor në familjen e madhe evropiane.
Ai kërkoi më shumë përpjekje për integrimin e Ballkanit Perëndimor në Bashkimin Evropian, “Nuk mjafton që të përmendim perspektivën e zgjerimit për këtë rajon si qëllim strategjik”, tha Olaf Scholz, “por duhet ta çojmë atë përpara në mënyrë aktive”.
“Dhe kur flas për Bashkimin Evropian atëherë i përfshijë edhe vendet e Ballkanit Perëndimor”, tha kancelari gjerman.
“… when I say the #EU, I mean including the Western #Balkans. It is not enough to state the EU membership perspective of this region as a strategic goal, we must actively push for it.” Olaf #Scholz, ???????? Chancellor at this year’s #MSC, followed by a round of applause in the room. pic.twitter.com/U1azwZNU0y
— Adi Ćerimagić (@adicerimagic) February 19, 2022
Në të njëjtën kohë ai paralajmëroi se evropianët do të ruajnë aftësitë vepruese dhe autonominë vendimmarrëse.
“Ne europianët do të ruajmë aftësinë tonë vepruese, autonominë tonë vendimmarrëse vetëm atëherë kur ta bashkojmë vullnetin tonë dhe aftësitë tona në Bashkimin Evropian”, tha 63-vjeçari.
Për kancelarin gjerman, “BE është kuadri ynë veprues, shansi ynë të mbesim fuqi mes fuqive. Për këtë bëhet fjalë, kur flasim për sovranitet evropian”.
Kujtojmë se bisedimet për hapjen e negociateve me Shqipërinë e Maqedoninë e Veriut ecin shumë ngadalë përpara, ndërkohë Kosova dhe Bosnje-Hercegovina kanë ngecur në rrugën e integrimit në Bashkimin Evropian.
Asnjë nga vendet e Ballkanit Perëndimor nuk kanë momentalisht një perspektivë të qartë kohore për anëtarësim edhe për shkak të rezervave brenda vendeve të BE-së.