Princi i Kurorës i Arabisë Saudite, Mohammed bin Salman, raportohet se hakoi telefonin e drejtorit ekzekutiv të kompanisë gjigante Amazon, Jeff Bezos në maj të vitit 2018, ka shkruar të martën The Guardian.
Advertisement
Dhe ky zhvillim, siç shkruan Business Insider, përcjell Telegrafi, është zhvillimi i fundit në një sagë të gjatë.
Në janar të vitit 2019, Bezos njoftoi divorcin e tij nga MacKenzie Bezos, pak para se marrëdhënia e tij me Lauren Sanchez të bëhej publike.
Lajmet për aferën çuan në shqetësimet nëse telefoni i Bezos ishte hakuar, dhe hetimi që ndodhi përfundimisht ngriti mundësinë që qeveria Saudite ishte përgjegjëse për të hyrë në informacionet personale të shefit të Amazon.
Kështu, mediumi në fjalë sjell disa detaje të cilat thuhet se tregojnë gjithçka që ishte raportuar – për të sjellë mënyrën sesi Princi i Kurorës me sa duket fitoi qasje në telefonin e Bezos.
21 mars 2018: Përpara turneut tre-javor të Princit të Kurorës Saudite, Mohammed bin Salman, në SHBA, drejtori i përgjithshëm i Amazon, Jeff Bezos, ishte i ftuar në një darkë me të në Los Angeles. Udhëtimi kishte për qëllim të paraqesë Princin e Kurorës si një “reformator dhe globalist”.
.
Princi i Kurorës Mohamed
4 prill 2018: Të dy, Bezos dhe Princi i Kurorës Mohammed marrin pjesë në një darkë në Los Angeles në shtëpinë e producentit Brian Grazer, të organizuar bashkë me agjentin e talenteve Ari Emanuel. Të ftuar të tjerë në darkë ishin edhe drejtori i Disney, Bob Iger, si dhe ish-ylli i NBA-së, Kobe Bryant.
Në darkë, Bezos dhe Princi i Kurorës Mohamed shkëmbejnë numrat e telefonit. Në të njëjtën ditë, Princi filloi një bisedë me Bezos përmes aplikacionit WhatsApp.
1 maj 2018: Bezos merr një “mesazh të papritur” nga Princi i Kurorës Mohamed që përmban një “video të koduar”.
Videoja “duket të jetë një film promovues në gjuhën arabe në lidhje me telekomunikacionin”, duke treguar tekstin arabisht mbi imazhet e flamujve sauditë dhe suedezë.
Nuk është e qartë nëse Bezos e shikoi videon, por menjëherë pas marrjes, sasia e të dhënave të transmetuara në telefonin e Bezos u rrit për “treqindfish”, thuhet në raporte.
15 tetor 2018: Niset një “fushatë masive në internet” në Arabinë Saudite kundër Bezos, duke tërhequr vëmendjen ndaj pronësisë së tij të The Washington Post.
Fushata fillon vetëm dy javë pas vrasjes së Jamal Khashoggi, një disident dhe kolumnist saudit për The Washington Post, nga agjentë sauditë në Stamboll.
Jeff Bezos
Inteligjenca amerikane arriti në përfundimin në nëntor të vitit 2018 se Princi i Kurorës Mohamed ishte pas vrasjes së Khashoggi, megjithëse qeveria Saudite ka mohuar çdo lidhje të drejtpërdrejtë.
8 nëntor 2018: Princi i Kurorës Mohammed raportohet se dërgon një mesazh tek Bezos në WhatsApp me tekstin: “Debati me një grua është si të lexoni marrëveshjen e një licence të një softueri. Në fund ju duhet të injoroni gjithçka dhe të klikoni ‘Pajtohem’”.
Hetuesit thanë që fotografia kishte një “ngjashmëri” me Lauren Sanchez, e cila më vonë do të zbulohej se po takohej me drejtorin e Amazon.
Hetuesit arritën në përfundimin se fotografia nënkuptonte se Princi i Kurorës mund të ketë pasur qasje në mesazhet personale të Bezos.
Jamal Khashoggi
9 janar 2019: Bezos njofton se po bënte divorcin. Në të njëjtën ditë, tabloidi National Enquirer raporton se Bezos dhe Sanchez kishin takime me muaj të tërë.
Gazeta kishte “mesazhe marramendëse dhe selfie erotike” të shkëmbyera midis të dyve – përfshirë një mesazh nga Bezos që shkruante “Të dua, vajzë e gjallë” – dhe thoshte se ajo kishte një foto nudo “shumë të ‘tepruar’ për t’u publikuar”.
7 shkurt 2019: Bezos boton një postim në blog ku akuzon botuesin e National Enquirer, AMI, për “zhvatje dhe shantazh”.
Ai gjithashtu insinuoi lidhjet e mundshme midis hetimit të National Enquirer për jetën e tij personale dhe qeverinë Saudite.
Drejtori i Përgjithshëm i AMI, David Pecker, ka një marrëdhënie miqësore të raportuar prej kohësh me qeverinë Saudite, shkruan Business Insider, përcjell Telegrafi.
Jeff Bezos dhe Lauren Sanchez
14 shkurt 2019: Bezos dhe ekipi i tij i sigurisë janë informuar rreth një fushate saudite kundër drejtorit ekzekutiv të Amazon.
Në të njëjtën ditë, Bezos merr një mesazh nga Princi i Kurorës Mohamed. Mesazhi paralajmëron Bezos që “gjithçka që ju dëgjoni” nuk është e vërtetë dhe thotë: “nuk ka asgjë kundër jush ose Amazon nga unë ose Arabia Saudite”.
31 mars 2019: Konsulenti kryesor i sigurimit i Bezos, Gavin de Becker shkruan në The Daily Beast se, pas një hetimi se si National Enquirer mori informacionin e tij, ai mund të vije në përfundim se qeveria Saudite kishte hakuar telefonin e Bezos dhe fitoi qasje në informacionin e tij privat. Ai zbulon se Bezos i është nënshtruar kërcënimeve të shumta nga sauditët që nga tetori i vitit 2018, kur u vra Jamal Khashoggi.
Qershor 2019: Kombet e Bashkuara fillojnë të shqyrtojnë pretendimet e Bezos në lidhje me hakimin saudit pasi dikush afër tij raportohet se ndan një analizë të telefonit të drejtorit ekzekutiv të Amazon.
Kombet e Bashkuara
21 janar 2020: The Guardian raporton për herë të parë për një hetim që tregon se Princi i Kurorës Mohamed hakoi telefonin e Bezos në vitin 2018 duke përdorur një “dokument video” që përmbante “virus”.
22 janar 2020: Hetuesit e OKB-së lëshojnë raportin e tyre një ditë më vonë, duke thënë me “siguri të arsyeshme” se Princi i Kurorës Mohamed ishte i përfshirë në hakimin e telefonit të Bezos. OKB gjithashtu bën thirrje për një “hetim të menjëhershëm” mbi Princin e Kurorës Mohamed. Qeveria Saudite përgjigjet duke i cilësuar akuzat “absurde”. /Telegrafi/
PostAdss
Telefoni i Jeff Bezos ‘është hakuar nga princi i kurorës Saudite’ – pesë muaj para vrasjes së Jamal Khashoggit
Regjistrimi që po shihet si lidhje e princit saudit me vrasjen e Khashoggit: “Tregoni shefit tuaj, misioni u krye”!
