Për kontributin që ka dhënë për pesë dekada në artin dhe kulturën e vendit tonë, presidenti i vendit Hashim Thaçi ka dekoruar këngëtarin dhe aktorin kosovar, Sabri Fejzullahun.
Thaçi e ka dekoruar Fejzullahun me Medalje Presidenciale të Meritave.
“Me Medaljen Presidenciale të Meritave, sot e dekorova një prej këngëtarëve më të pëlqyer të publikut tonë për më shumë se gjysmëshekulli. Gati tërë jetën e tij Sabriu na ka argëtuar me këngën dhe humorin e tij. Na ka treguar bukuritë e jetës, por edhe na ka bërë të mendojmë për detyrat dhe obligimet për shoqërinë tonë”, shkruan presidenti në postimin e tij, ku shihet me këngëtarin kosovar.
