Tashmë ka nisur procesi i numërimit të votave për kandidatët në qarqet ku ka përfunduar numërimi për të gjitha partitë politikë.
Sipas të dhënave deri më tanishme Partia Socialiste ka siguruar 48.57% të votave të numëruar ose 74 mandate. Nga ana tjetër Partia Demokratike ka grumbulluar 39.32% të votave ose 59 mandate deputeti.
Për sa i përket LSI, deri më tani ka 4 mandate ose 6.85% të votave. Në vendin e katër renditet Partia Social demokrate me 2.26% të votave duke siguruar në rang kombëtar 3 mandate për deputet.
Ka përfunduar numërimi i votave për kandidatët në bashkinë e Belshit. Sipas KQZ-së, nga socialistët në këtë bashki kanë marrë më shumë vota Tualant Balla dhe Luan Duzha.
Balla ka marrë 1 194 vota, kurse Duzha, 884.
Sa i përket demokratëve, i pari është Dashnor Sula me 1 683 vota, i ndjekur nga Luaçiano Boçi me 372 vota.
Teksa ka mbetur vetëm një kuti pa numëruar nga qarku i Vlorës, pasi është rikthyer vonë se nuk korrespondojnë të dhënat në KZAZ me numërimin në KQZ, socialistët kryesojnë me 59023 vota.
Mirëpo, kurioziteti i madh është më shumë brenda partisë, pasi për këtë qark kandidon edhe kryeministri Edi Rama.
Nga rezultatet e deritanishme vihet re që PS ka fituar 8 mandate dhe më i votuari me 2300 vota është vetë Rama. Ai ndiqet nga drejtuesi politik i socialistëve në këtë qark Damian Gjiknuri me 1327 vota.
Kujtojmë që ky i fundit përmes një deklarate të bërë ditën e sotme u shpreh se Rama do të vazhdojë të jetë deputet në Vlorë për shkak të besimit të madh që i kanë dhënë votuesit dhe nuk do të zhvendoset në Durrës.
Tom Doshi, kreu i partisë Social-Demokrate hoqi dorë nga mandati para publikimit të rezultateve zyrtare nga Komisioni Qendror i Zgjedhjeve. Megjithatë deri më tani Tom Doshi rezulton të ketë marrë 588 vota në bashkinë e Shkodrës ku kandidonte i pari në listat e partisë së tij.
Në raport me kandidatët e partive të tjera, deri tani Doshi renditet i gjashti pas kandidatëve demokratë dhe socialist në qarkun e Shkodrës. Ndërkohë në Tiranë, në disa zona procesi i numërimit të kandidatëve ka nisur me vonë se në qarqe për shkak se në disa KZAZ vijon përllogaritja e mandateve për parti politike.
Doshi u dorëhoq nga mandati i deputetit por theksoi se do vazhdojë të qëndrojë në krye të PSD-së. Pak orë nga dorëheqja , Doshi deklaroi se është i gatshëm për koalicion me Ramën por me Bashën kurrë. Kandidimi i tij në zgjedhjet e 25 Prillit solli mjaft reagime të forta nga ana e ambasadës amerikane, pasi DASH e ka shpallur atë person non-grata.
Çfarë ndodh me mandatin e Tom Doshit pas dorëheqjes
Gazetarja Esiona Konomi raporton për ABC se sipas kodit zgjedhor, mandati i tij i kalon emrit të parë dhe të dytë në listë. Nga ana tjetër mes kandidatëve të PSD-së ka një marrëveshje që mandati i tij do i kalojë atij kandidati që ka qoftë edhe një votë më shumë në raport me rivalët e tij. Megjithatë kjo pikë nuk ka fuqi juridike, dhe vendimi do duhet të merret sipas kodit zgjedhor.
Në qarkun e Korçës janë ndarë mes Partisë Socialiste dhe Partisë Demokratike mandatet e deputetëve. PS ka dal fituese në këtë qark me 6 mandate dhe PD një më pak, 5 deputetë.
Ndërkohë, sot ka nisur numërimi edhe i votave preferenciale në kuti. Nga numërimi i deritanishëm duket se në PS nuk ka surpriza. Dy ministrat e qeverisë janë më të votuarit.
Kështu, kryeson Olta Xhaçka me 2869 vota, e cila ndiqet nga Niko Peleshi me 1234 vota. Deri më tani janë numëruar 61 qendra votimi nga 427 në total.
Partia Socialiste ka siguruar 5 mandate në Qarkun e Beratit në krahasim me demokratët që kanë marrë vetëm 2 mandate. Pas përfundimit të kutive të votimit në 277 qendra votimi, ka nisur tashmë dhe numërimi i votave të kandidatëve të secilës parti.
Nga të dhënat e KQZ-së, deri më tani në radhët e PS-së më i votuari rezulton Blendi Klosi, me 3 768 vota, ndjekur më pas nga Nasip Naço me 1 445 vota. Fadil Nasufi ka marrë deri më tani 468 vota ndërsa pas tij për numër votash vjen Hatixhe Konomi. Deri më tani janë numëruar kutitë nga 58 qendra votimi.
Teksa procesi i numërimit të kutive në qarkun e Fierit është në vazhdimësi, vihet re që Partia Socialiste kryeson me 91572 vota, që deri tani konvertohet në 9 mandate.
Mirëpo, ajo çfarë tërheq më shumë vemendjen është se kandidati që ka marrë më shumë vota është femër dhe bëhet fjalë për Lindita Buxhelin. Ajo ka siguruar 787 vota duke lënë pas zëvendës kryeministrin Erion Braçe me 457 vota.
Ndërsa Partia Demokratike në qarkun e Fierit ka marrë 64680 vota dhe ndiqet nga LSI me 64680 vota.
Demokratët e qarkut të Fierit kanë pasur surpriza sa i përket numrit të votave për kandidatë. Shumicë votash deri tani në këtë qark ka Agron Kapllanaj i cili më herët ka mbajtur postin e kryetarit të bashkisë së Mallakastrës.
Deri më tani ai ka arritur të sigurojë 812 vota dhe ndiqet nga Saimir Korreshi me 749 vota dhe Edmond Çepele me 499 vota.
Ajo që bie në sy në listat e demokratëve të Fierit, është renditja e deritanishme e listës së demokratëve të Fierit, është kryetari i PD në Fier Luan Baçi i cili numëron vetëm 73 vota.
Lëvizja Socialiste për Integrim nuk arriti të sigurojë asnjë mandat në qarkun e Elbasanit në zgjedhjet e 25 prillit. Mandatet e Elbasanit u ndanë mes socialistëve dhe demokratëve, duke marrë 8 PS dhe 6 PD.
Ndërkohë pas numërimit të 511 qendrave të votimit ka nisur gjithashtu edhe numërimi i votave të kandidatëve për subjekte zgjedhore.
Deri më tani nga LSI kandidati me më shumë vota është Vladimir Muka me 339 vota, i cili renditet i treti në listë. Pas tij vjen Sokol Skura me 165 vota, ndjekur nga Ermir Gjinishi me 147 vota.
Pas numërimit të votave për partitë, tashmë ka nisur numërimi i votave për secilin kandidat sipas qarqeve. Ajo që vihet re në qarkun e Dibrës është se deri më tani kandidatja e Partisë Socialiste Aurora Mara ka marrë rekord votash.
Konkretisht nga 34 kuti të numëruara, deri më tani Aurora Mara ka marrë 4 226 vota. Kujtojmë se Mara më parë ishte pjesë e LSI por në këto zgjedhje iu bashkua forcës së socialistëve. Ndërkohë në Dibër deri më tani vendin e dytë e mbar Lavdrim Krrashi me 191 vota.
Partia Demokratike ka marrë 6 mandate në Elbasan, duke u mundur nga socialistët të cilët siguruan gjashtë të tillë. Pas numërimit të kutive të votimit për partitë në 511 qendra votimi në total, ka nisur gjithashtu edhe numërimi i votave të kandidatëve për secilën parti.
Sipas të dhënave të publikuara nga KQZ, në Partinë Demokratike kryeson, Fadil Merzheku, i cili ka siguruar 2690 vota deri tani, ndërkohë që është i 11 në listë. Pas tij renditet Dashnor Sula me 2542 vota, ndjekur nga Luçiano Boçi me 1222.
Deri më tani janë numëruar 112 qendra votimi nga 511 në total për votat preferenciale ndaj kandidatëve.
Partia Socialiste ka dalë fitues në qarkun e Elbasanit. Socialistët prijnë me 8 mandate, ndërsa Partia Demokratike ka arritur të sigurojë 6 mandate.
Lëvizja Socialiste për Integrim nuk ka siguruar asnjë mandat në këto zgjedhje. Pas numërimit të kutive të votimit për partitë në 511 qendra votimi në total, ka nisur gjithashtu edhe numërimi i votave të kandidatëve për secilën parti.
Kështu ka filluar edhe “sfida e heshtur” mes kandidatëve për të kaluar herësin. Sipas të dhënave të publikuara nga Komisioni Qendror i Zgjedhjeve deri në këto momente kandidati më i votuar nga PS për qarkun e Elbasanit është Besion Ajazi. Ky i fundit është i treti në listë dhe ka siguruar 4836 vota. Pas tij renditet Taulant Balla me 2838 vota, ndjekur nga Saimir Hasalla me 2223.
Partia Demokratike ka marrë 6 mandate në Elbasan, duke u mundur nga socialistët të cilët siguruan gjashtë të tillë. Pas numërimit të kutive të votimit për partitë në 511 qendra votimi në total, ka nisur gjithashtu edhe numërimi i votave të kandidatëve për secilën parti.
Sipas të dhënave të publikuara nga KQZ, në Partinë Demokratike kryeson, Fadil Merzheku, i cili ka siguruar 2690 vota deri tani, ndërkohë që është i 11 në listë. Pas tij renditet Dashnor Sula me 2542 vota, ndjekur nga Luçiano Boçi me 1222.
Deri më tani janë numëruar 112 qendra votimi nga 511 në total për votat preferenciale ndaj kandidatëve.
Besion Ajazi është kandidati surprizë në listat e socialistëve në Elbasan. Nga procesi i deritanishëm i numërimit të votave për kandidatë, Ajazi kryeson me një shumicë dërrmuese votash duke lënë pas edhe kreun e grupit parlamentar të PS Taulant Balla dhe figura të tjera të socialistëve.
Konkretisht Ajazi deri tani ka marrë 4836 vota, ndërsa Balla numëron 2838 vota.
Kush është Ajazi?
Ai ka qenë më herët gazetar në një televizion në Shqipëri. Më pas u angazhua me socialistët për disa vite dhe kandidonte për herë të dytë për mandat deputeti. Të dielën e zgjedhjeve të 25 Prillit, ai kurorëzoi dashurinë në martesë me partneren e tij.