Të premten është ndarë nga jeta në moshën 99-vjeçare, bashkëshorti i Mbretëreshës Elizabeth, Princi Philip.
“Me pikëllim të thellë Madhëria e saj Mbretëresha ka njoftuar vdekjen e burrit të saj të dashur, Lartmadhërisë së tij Mbretërore, Princit Filip, Dukës së Edinburgut”, shkruhej në njoftimin e Familjes Mbretërore.
Lidhur me vdekjen e tij kanë reaguar emra të shumtë nga fusha e politikës, artit e sportit.
Këngëtarja shqiptare-britanike, Rita Ora, me të parë lajmin, nuk nguroi të shkruante në InstaStory një ngushëllim për princin tashmë të ndjerë.
Foto: Rita Ora/InstaStory
“Sa trishtuese, u prehsh në paqe Princi Philip”, shkroi artistja në një fotografi bardhë e zi të portretit të princit të ndjerë, që familja mbretërore e publikoi në llogarinë e tyre zyrtare në Instagram.
Rita përndryshe ndodhet në Sydney të Australisë, larg nga shtëpia e saj në Mbretërinë e Bashkuar, pasi do të jetë pjesë e sezonit të ri të “The Voice Australia”, si anëtare e jurisë.
Foto: Rita Ora/Instagram
