Sipas statistikave botërore, të dhënat tregojnë se në Maqedoni, rreth 20.000 njerëz vdesin si pasojë e komplikimeve të sëmundjës së diabetit.
Kjo informatë sot u bë e ditur nga drejtori i Spitalit “Filipi i Dytë”, Zhan Mitrev , i cili tha se sipas të dhënave të spitalit, ka një rritje të vazhdueshme të pacientëve që vuajnë nga diabeti dhe kanë nevojë për intervenime të komplikuara.
“Në mesin e pacientëve tonë rreth, 70% vuajnë nga sëmundja e diabetit. Diabeti është një epidemi botërore e cila mund të kontrrollohet dhe të sigurohet një jetë e gjatë dhe e shëndoshë . Por në rast se nuk kontrrollohet , mund të ketë pasoja katastrofike.”, tha Mitrev, transmeton Gazeta Express.
Sipas tij, është shumë e rëndësishme mënyra e të ushqyerit pasiçë çdo ditë e më shumë konsumohetushqim i industrijalizuar i cili është i mbushur me karbohidrate. Pikërisht të ushqyerit jo shëndetshëm e shpejton keqësimin e diabetit.