Rusia ka thënë se nuk ka marrë ende pjesë në negociatat për zgjatjen e marrëveshjes së grurit të Detit të Zi.
“Nuk ka pasur negociata për këtë temë, veçanërisht me pjesëmarrjen e përfaqësuesve rusë”, tha zëdhënësja e Ministrisë së Jashtme ruse, Maria Zakharova.
Marrëveshja aktuale e ndërmjetësuar nga OKB-ja mundëson dërgimin e miliona tonëve drithë nga Ukraina përmes porteve të bllokuara dhe synon të ndihmojë në shmangien e urisë në vendet më të varfra.
Ukraina është një nga eksportuesit më të mëdhenj të grurit në botë dhe një pjesë e madhe e tij dërgohet në vendet në Afrikë.
Raundi tjetër i bisedimeve për zgjatjen e marrëveshjes do të mbahet në Gjenevë më 13 mars midis delegacionit të Rusisë dhe zyrtares së lartë tregtare të Kombeve të Bashkuara Rebeca Grynspan, tha Zakharova.
