Rusia është tërhequr zyrtarisht nga një traktat historik i sigurisë që kufizonte kategoritë kryesore të forcave të armatosura konvencionale, duke fajësuar Shtetet e Bashkuara për minimin e sigurisë së pas Luftës së Ftohtë me zgjerimin e aleancës ushtarake të NATO-s.
Traktati i vitit 1990 për Forcat e Armatosura Konvencionale në Evropë (AKE), i nënshkruar një vit pas rënies së Murit të Berlinit, vendosi kufizime të verifikueshme për kategoritë e pajisjeve ushtarake konvencionale që NATO dhe Pakti i atëhershëm i Varshavës mund të vendosnin.
Traktati ishte krijuar për të parandaluar që secila palë e Luftës së Ftohtë të grumbullonte forca për një ofensivë të shpejtë kundër tjetrës në Evropë, por ishte e papëlqyeshme në Moskë pasi e zbehte avantazhin e Bashkimit Sovjetik në armët konvencionale, raporton The Independent, transmeton Klankosova.tv.
Por ministria e jashtme e Rusisë tha se ishte tërhequr zyrtarisht nga pakti dhe se traktati, i nënshkruar në një epokë kur “bashkëpunimi dukej i mundshëm”, tani ishte “histori”.