Rusia lëshoi brenda natës një breshëri dronësh dhe raketash balistike në Kiev, thanë zyrtarët të hënën, ndërsa fëmijët po ktheheshin në shkollë në të gjithë Ukrainën.
Disa nxënës u njoftuan se orët e mësimit u anuluan për shkak të dëmtimit nga sulmi.
Disa seri shpërthimesh tronditën kryeqytetin ukrainas, raporton AP, transmeton Klankosova.tv.
Mbeturinat nga raketat e kapura dhe dronët ranë në çdo lagje të Kievit, duke plagosur tre persona dhe duke dëmtuar dy kopshte, tha Ministria e Brendshme.
Autoritetet e qytetit raportuan zjarre të shumta.
Pas më shumë se 900 ditësh lufte, Rusia dhe Ukraina nuk tregojnë asnjë shenjë për të hequr dorë nga lufta apo për t’iu afruar tryezës së bisedimeve.
Të dyja palët po ndjekin ofensiva ambicioze tokësore, me ukrainasit që po futen në rajonin Kursk të Rusisë dhe rusët po shtyjnë më thellë në rajonin e Donetskut të Ukrainës lindore që është pjesë e rajonit industrial Donbas.