Rusia po përpiqet të përdorë kërcënimet bërthamore për të dekurajuar mbështetësit perëndimorë të Kievit që të ofrojnë ndihmë ushtarake përpara një kundërsulmi të pritshëm, sipas një vlerësimi të ri.
Duke folur të martën, ministri rus i mbrojtjes Sergei Shoigu përdori një “retorikë të ringjallur të shantazhit bërthamor”, sipas Institutit për Studimin e Luftës (ISW) me qendër në Uashington.
Shoigu mbrojti vendimin e Rusisë për të transferuar armë bërthamore në Bjellorusi, duke thënë se NATO kishte rritur trajnimet luftarak dhe të zbulimit në kufijtë e Rusisë.
Ai tha se ndihma perëndimore për Ukrainën “rrezikon një zgjerim të konsiderueshëm të konfliktit”.
Veç tij, presidenti rus Vladimir Putin tha më 25 mars se Rusia do të vendosë armë bërthamore në Bjellorusinë fqinje, një nga aleatët më të vendosur të Moskës.
Rusia po përpiqet të përdorë kërcënimet bërthamore për të dekurajuar mbështetësit perëndimorë të Kievit që të ofrojnë ndihmë ushtarake përpara një kundërsulmi të pritshëm, sipas një vlerësimi të ri.
Duke folur të martën, ministri rus i mbrojtjes Sergei Shoigu përdori një “retorikë të ringjallur të shantazhit bërthamor”, sipas Institutit për Studimin e Luftës (ISW) me qendër në Uashington, përcjell Telegrafi.
Shoigu mbrojti vendimin e Rusisë për të transferuar armë bërthamore në Bjellorusi, duke thënë se NATO kishte rritur trajnimet luftarak dhe të zbulimit në kufijtë e Rusisë.
Ai tha se ndihma perëndimore për Ukrainën “rrezikon një zgjerim të konsiderueshëm të konfliktit”.
Veç tij, presidenti rus Vladimir Putin tha më 25 mars se Rusia do të vendosë armë bërthamore në Bjellorusinë fqinje, një nga aleatët më të vendosur të Moskës.
Por informacioni i Shoigut nuk ishte i ri, shtoi ISW, dhe “ka të ngjarë të ishte pjesë e një operacioni informacioni”.
Putin do të takohet me udhëheqësin e Bjellorusisë, Alexander Lukashenko, të mërkurën dhe të enjten, konfirmoi Kremlini.
Në fund të muajit të kaluar, Putin tha se transferimi i armëve bërthamore nuk do të shkelte marrëveshjet e mospërhapjes, duke thënë se nuk kishte “asgjë të pazakontë” në këtë masë.
Në vazhdën e njoftimit, SHBA-të thanë se “nuk shohin ndonjë arsye për të rregulluar pozicionin tonë strategjik bërthamor dhe as ndonjë indikacion që Rusia po përgatitet të përdorë një armë bërthamore”.
Dhe siç vlerëson Newsweek, përcjell Telegrafi, deklaratat e Shoigu vijnë përpara ofensivës së pranverës të shumëpritur të Ukrainës.
Në këtë drejtim, në fund të marsit, ish-presidenti rus Dmitry Medvedev tha për mediat ruse se komandantët ushtarakë të Moskës po “llogaritnin” për një lëvizje nga Kievi dhe shtabi i përgjithshëm i Kremlinit “po përgatit zgjidhjet e veta”.
Ndryshe, zyrtarët ukrainas kishin theksuar rëndësinë e dërgesave të armëve nga Perëndimi për të qenë në gjendje të kryenin një kundërsulm të tillë dhe “ardhja e pajisjeve në Ukrainë ka të ngjarë të vendosë kushte për një kundërofensivë ukrainase”, shkroi ISW në fund të marsit.
Ndërkohë Departamenti i Mbrojtjes i SHBA-së njoftoi të martën një paketë të re ndihme sigurie prej 2.6 miliardë dollarësh për Ukrainën, duke përfshirë municion shtesë për sistemet raketore të artilerisë së lartë të Kievit (HIMARS), ndërsa Finlanda u bashkua zyrtarisht me NATO-n, duke i dhënë fund politikës së saj të mos-angazhimit ushtarak në përgjigje të agresionit të Rusisë në Ukrainë.
Një zyrtar i lartë i mbrojtjes amerikane tha të martën se raundi i sapo-zbuluar i ndihmës ishte i përqendruar në “mbështetjen e ukrainasve për të ndryshuar dinamikën në terren”.
“Ne duam të ndihmojmë Ukrainën të përparojë dhe të mbajë pozicionet e saj në atë që ne presim të jetë një kundërofensivë ukrainase”, shtoi zyrtari në një konferencë të Pentagonit.
