Rusia e ka paralajmëruar NATO-n për pasoja të rënda nëse do të pranonte të dërgonte disa forca paqeruajtëse në Ukrainë.
Zëdhënësi i Kremlinit Dmitry Peskov tha: “Do të ishte një vendim shumë i pamatur dhe jashtëzakonisht i rrezikshëm”, shkruan The Guardian.
Ai u tha gazetarëve në një video-lidhje se çdo kontakt i mundshëm midis forcave ruse dhe NATO-s “mund të ketë pasoja të qarta që do të ishin të vështira për t’u riparuar”.
Polonia tha të premten e kaluar se do të paraqesë zyrtarisht një propozim për një mision paqeruajtës në Ukrainë në samitin e ardhshëm të NATO-s. Presidenti i SHBA Joe Biden do të fluturojë për në Evropë për një samit urgjent të NATO-s nesër në Bruksel.