Sipas lajmit të fundit, ministri i Jashtëm rus, Lavrov, njoftoi se delegacionet ruse dhe amerikane do të takohen më 27 shkurt në Stamboll për të diskutuar çështjen e funksionimit të ambasadave, shkruan PrishtinaPress.
Lajmi tjetër thotë se Kremlini ka shprehur interes për projekte të bashkëpunimit ekonomik me SHBA-në në disa fusha.
Zëdhënësi i Kremlinit, Dmitry Peskov, tha se mund të ketë një telefonatë mes presidentëve Putin dhe Trump, por aktualisht një takim i tillë nuk është në plan.
Ai theksoi se nëse janë të nevojshme, planet mund të ndryshojnë për të zgjidhur disa çështje urgjente. Peskov po ashtu theksoi se nuk ka asnjë zhvillim lidhur me një takim fizik midis Putinit dhe Trump, por ka një kuptim të përbashkët për nevojën e një takimi të tillë.
Ai shtoi se marrëveshjet që u arritën mes dy liderëve dhe kryetarëve të delegacioneve në Riyad janë duke u zbatuar hap pas hapi, dhe po planifikohen kontakte në nivelin e ekspertëve të ministrive të jashtme.
Sa i përket mundësisë së bashkëpunimit ekonomik me SHBA-në, Peskov tha se Rusia është e interesuar për projekte në disa fusha. Në lidhje me krizën në Ukrainë, ai njoftoi se nuk është diskutuar dërgimi i trupave paqeruajtëse kineze në Ukrainë./PrishtinaPress/
