Gazetarja e RTK-së, Blerta Foniqi-Kabashi, ka publikuar një reagim përmes të cilit distancohet nga ngjarja e fundit në RTK, ku ne web-faqen online të RTK-së dhe në lajmet qendrore është transmetuar një artikull i “Slobodna Bosna” që atakon dy media të Kosovës.
Foniqi-Kabashi ka thënë distancohet nga ajo që ka ndodhur edhe pse s’ka kurrfarë përgjegjësie.
“Andaj, pa qenë fare përgjegjëse për situatën e fundit të krijuar, ndjej keqardhje dhe krejt çka mund të bëjë, është të vazhdoj të punoj me profesionalizëm dhe pa kompromis brenda përgjegjësive të mija dhe vetëm duke verifikuar informacionet!”, ka shkruar ajo.
