Asfalti i rrugës ‘2 Korriku’ që në kryeqytet njihet si te ‘Kafet e Rakisë’, do të zëvendësohet me kalldrëm.
Këtë e ka bërë të ditur drejtori i Investimeve Kapitale në Komunën e Prishtinës, Krenar Xhaferi, i cili ka thënë se përmes trajtimit me kalldrëme, do të kujtohet Prishtina e Vjetër.
“Me pronarët e kafeve të Rr. “2 korriku”, diskutuam për trajtimin e kësaj rruge, e cila për qytetin e Prishtinës mbanë memorje kolektive. Kjo rrugë do të trajtohet e gjitha me kalldërmë, përmes së cilës kujtojmë Prishtinën e vjetër”, shkroi Xhaferi në një postim në rrjetin social Facebook.
