Rrufetë në Greqinë veriore kanë mbytur bagëti dhe ndezën zjarre gjatë një vale të nxehti njëditore që prek pjesën më të madhe të Evropës Jugore.
Disa zjarre u raportuan pranë qytetit të Kozanit, 450 kilometra në veri të Athinës pas një stuhie të thatë në zonë, thanë autoritetet të shtunën.
Më në veri, pranë qytetit grek të Florinës, zyrtarë nga një organizatë publike e sigurimit bujqësor thanë se nëntë lopë u vranë nga goditjet e rrufesë në një fermë bagëtish dhe disa kafshë të tjera u plagosën.
Pronari i fermës së bagëtive, Alexandros Tsikos tha për Associated Press se i gjeti kafshët të ngordhura në një zonë kullotjeje pranë hambarit të bagëtive.
Temperaturat u ulën pak të shtunën, por mbetën të larta deri në 40 gradë Celsius në disa pjesë të vendit, ndërsa rreziku i zjarreve ishte shumë i lartë jashtë Athinës dhe në pjesën më të madhe të Greqisë jugore
