Njohësi i integrimeve evropiane, Shenoll Muharremi ka treguar se si pushteti, sipas tij, po manipulon qytetarët me një grafikon të publikuar për paratë e mbledhura nga Dogana e Kosovës.
Të hyrat në buxhet nga Dogana janë rritur për 71 milionë euro, por pushteti po e paraqet “si me qenë 70%”, thotë Shenolli. Lëvizja Vetëvendosje e ka ‘vizatuar’ shumë të vogël kolonën e të hyrave në vitin e kaluar, ndërsa e ka paraqitur shumë më të madhe atë për të hyrat e këtij viti, ku dallimi duket shumë më i madh nga sa është në të vërtetë.
“Jemi lodhur me propagandë. Vetëm shiqojeni grafikonin e manipuluar të pushtetit. Dmth ka rritje të të hyrave për 71 milion nga viti 2022 por pushteti e paraqet me grafikon rritjen si me qenë 70%”, shkroi Shenolli.
“E mora mundin me e paraqitë grafikonin real si duket me shifra të njejta sa me pa dallimin edhe nga Hëna nëse dëshironi. Ska nevojë me manipuluar, vetëm bëjeni punën ashtu si duhet”, shtoi ai.
