Njohësi i ekonomisë, i cili ishte edhe pjese e qeverisë Kurti I, Edison Jakurti ka reaguar pas vendimit të ZRrE-së për shtrenjtimin e energjisë elektrike.
Ai ka thënë se rritja prej 15.4% anulon rritjen e pagave në sektorin publik që hyri në fuqi nga muaji shkurt i këtij viti.
“Shtrenjtimi i rrymës është garanca që norma e inflacionit edhe këtë vit do të jetë e lartë. Për ata që marrin paga nga sektori publik, kjo rritje e anulon rritjen e pagave”, ka shkruar Jakurti.
Ndërkaq, Jakurti ka thënë se për ata që marrin paga nga sektori privat, kjo rritje e ulë edhe më shumë vlerën reale të pagave të tyre duke e ulur kështu edhe më shumë fuqinë blerëse dhe mirëqenien.
“Për ata që nuk kanë punë e rrjedhimisht as paga…në dorë të Zotit dhe të diasporës”, ka shkruar në fund ai. /GazetaExpress
