Sekretari i Ministrisë së Punëve të Brendshme në Serbi, Zheljko Bërkiq, tha se që nga mëngjesi i sotëm është shtuar prania e policëve në 1800 shkollat, aq sa janë, në Serbi.
“Prania e tyre do të jetë në radhë të parë në momentin e fillimit të mësimit dhe pas përfundimit të mësimit, ku me praninë e tyre do të veprojnë në mënyrë parandaluese, duke ngjallur besimin tek nxënësit dhe prindërit se ka përfaqësues të shtetit që do t’i mbrojë”, tha Bërkiq për Radio Televizionin e Serbisë.
Brkiq tha se kjo masë do të mbetet në fuqi edhe në ditët në vijim.
Kjo masë erdhi pas tragjedisë në shkollën fillore “Vladislav Ribnikar” në Beograd, ku një nxënës 13-vjeçar vrau tetë bashkëmoshatarë dhe një roje. Siç raportojnë mediat serbe, në këtë shkollë sot gjenden katër policë.