Marrëveshja e Microsoft prej 68.7 miliardë dollarësh për të blerë kompaninë amerikane të video-lojërave Activision Blizzard është bllokuar në Mbretërinë e Bashkuar nga Autoriteti i Konkurrencës dhe Tregjeve (CMA).
Sipas BBC, përcjell Telegrafi, blerja e propozuar do të bënte që Microsoft të fitonte tituj të tillë si Call of Duty dhe Candy Crush.
Por rregullatori tha se ishte i shqetësuar se marrëveshja do të ofronte inovacion të reduktuar dhe më pak zgjedhje për lojtarët në biznesin me rritje të shpejtë të lojërave cloud.
Microsoft dhe Activision kundërshtuan vendimin dhe thanë se do të bënin apel.
“Raporti i CMA-s bie ndesh me ambiciet e Mbretërisë e Bashkuar për t’u bërë një vend tërheqës për të ndërtuar biznese teknologjike”, tha një zëdhënës i Activision.