Policia e Kosovës ka njoftuar se është arrestuar një person pasi në gjendje të dehur ka sulmuar zyrtarët policorë.
Rasti ka ndodhur të hënën në Pejë.
“Është arrestuar i dyshuari mashkull kosovar i cili në gjendje të dehur, në një lokal ka sulmuar fizikisht zyrtarët policorë të cilët kishin shkuar, pasi kishin pranuar informatën se është duke ndodhur një rrahje në mes disa personave”, njoftoj policia.
I dyshuari pasi është arrestuar dhe dërguar në stacion ka vazhduar me sjellje agresive duke sulmuar fizikisht edhe një zyrtar policor të cilit i ka shkaktuar lëndime dhe kanosur me vrasje.
Viktimës – zyrtarit policor i është ofruar tretman mjekësor, ndërsa i dyshuari me vendim të prokurorit është dërguar në mbajtje.
