Të mërkurën në mbrëmje ka ndodhur një incident në Radio Televizionin e Kosovës, te bufeja e objektit të televizionit, ku dyshohet se ka pasur rrahje, në të cilën është përfshirë një punëtor i RTK-së, raporton Gazeta Sinjali.
Siç mëson Sinjali, një punëtor i Teknikës po dyshohet se e ka sulmuar kamerierin e bufesë, pas një mosmarrëveshje momentale.
Sipas informacioneve të para, rrahja ka qenë brutale dhe viktima ka pësuar lëndime të rënda trupore.
Rasti është denoncuar menjëherë në Polici dhe si rezultat njësitë përkatëse kanë intervenuar në vendin e ngjarjes.
