Zyrtarë policorë të Maqedonisë së Veriut nga rajoni i Tetovës, kanë bërë të ditur se të dielën rreth orës 18:15 kanë arrestuar tetë persona, katër prej tyre nga Kosova dhe katër nga Gostivari.
Personat e arrestuar dyshohet se janë përfshirë në një përleshje fizike.
Janë arrestuar J.O. (27), D.O. (30), F.O. (29) dhe A.O. (19) nga Kosova dhe B.D. (29), G.G. (25), M.G. (41) dhe S.G. (30) nga Gostivari.
“Ata janë arrestuar për shkak të dyshimit për përfshirje në një përleshje fizike të ndërsjellë që ka ndodhur rreth orës 14:50 në pistat e skijimit të Bistrës, në Mavrovë dhe për të cilën menjëherë është raportuar në SPB Tetovë”, thuhet në njoftimin e Policisë.
