Cristiano Ronaldos i është mohuar mbrëmë ai që po konsiderohet si goli eventual i vitit.
Ylli portugez e festoi në fund fitoren e madhe ndaj Shabab Al-Ahli, e cila ia siguroi ekipit Al Nassr kualifikimin në fazën e grupeve të Ligës së Kampionëve të Azisë.
Por, gjatë lojës, “CR7” iu bë një padrejtësi e madhe.
Në fakt, pesë herë fituesi i Topit të Artë e bëri një veprim akrobatik dhe ishte shumë afër ta shënonte një gol spektakolar në stilin “gërshërë”.
Por, një lojtar kundërshtar e ndali topin me dorë dhe për çudinë e të gjithëve, referi nuk dha penallti, ndonëse ajo ishte e pastër.
Ky fakt ka bërë që të çohet shumë pluhur dhe të kërkohet instalimi i sistemit VAR atje.
Për fatin e mirë të kampionit evropian me Portugalinë, ekipi i tij në fund fitoi dhe ky rast nuk ishte përcaktues për ndeshjen.
