Cristiano Ronaldo i është kundërpërgjigjur në mënyrë ironike ngacmimit nga mbrojtësi i Barcelonës, Gerard Pique.
Mbrojtësi i Barcelonës, Gerard Pique deklaroi se Real Madrid pati rrugëtim të lehtë drejt trofeut të Ligës së Kampionëve në edicionin e kaluar.
Por, nuk vonoi shumë dhe ai mori një përgjigje nga Cristiano Ronaldo.
Pasi fitoi çmimin e futbollistit më të mirë të vitit në Evropë, portugezi pati edhe një këshillë për spanjollin.
“Nuk dua të përgjigjem”, deklaroi Ronaldo për “El Larguero”, përcjell “Lajmi.net”.
“Por, ajo që mund të them për Piquen është se mund ta sheh postimin tim në Twitter, një fotografi shumë e bukur”, theksoi ai.
