Një nga merkatot më të nxehta të kësaj vere, padyshim është ajo në Serinë A-në italiane. Për këtë temë, ka folur edhe Ronaldo Fenomeni në një intervistë nga SkySport.
“Vitet e fundit nuk kanë qenë fort të mira për kampionatin italian, por tani është koha që të ndryshojnë gjërat. Transferimi i Ronaldos te Juve do i ndryshojë gjërat. Merkato ka qenë e çmendur. Të shohim çfarë do ndodhë tani”, tha fillimisht Fenomeni.
“Modric te Interi? Nuk e di nëse ekziston një negociatë e mirëfilltë mes Realit dhe Interit, gjithsesi, e rëndësishme është që të gjitha skuadrat po forcohen”, deklaroi braziliani.
Ish-sulmuesi brazilian gjatë karrierës së tij ishte pjesë e dy klubeve nga Milano, Interit dhe Milanit.