Ish-sulmuesi brazilian, Ronaldo e ka përshkruar Cristiano Ronaldon si ‘mahnitës’ dhe e përshkroi golin e tij kundër Juventusit si ‘diçka të pabesueshme’.
Ish- lojtari i Real Madrid vlerësoi lartë yllin portugez përpara ndeshjes së dytë gjysmëfinale të Ligës së Kampionëve kundër Bayern Munchen të martën në mbrëmje.
Dy herë fituesi i Kupës së Botës beson se Ronaldo finalizon atëherë kur duhet më së shumti.
“Është e mahnitshme se çfarë po bën, ai luan më pak topa, por ai vendos lojën më mirë se më parë”, tha Ronaldo për AS .
“Ai është frymëzues kur loja bëhet e shëmtuar”, shtoi braziliani.
33-vjeçari shënoi një goditje të mahnitshme kundër Juves në fazën e çerekfinales së Ligës së Kampionëve muajin e kaluar, të cilën braziliani e lavdëroi.
‘Kjo goditje e fundit me “roveshatë” ishte diçka e pabesueshme … Nuk e kam provuar!’ ka thënë ish-fituesi i Topit të Artë.
