Përfaqësuesit e “MyWings Aviation” nga Kosova , Gafur Aliu dhe Gazmend Vatovci se bashku me përfaqësuesit e Avio Kompanisë “Trade Air” nga Kroacia, Marko Cvijin dhe Drazhen Sakiq u takuan me Ministrin e Transportit të Kroacisë, Oleg Butko dhe biseduan për fillimin e linjes ajrore Prishtinë- Zagreb- Prishtinë tri herë në javë.
Ministri kroat shprehu interesim dhe gatishmëri për përkrahje të fuqishme të këtij projekti, për fillimin e linjes ajrore në mes dy vendeve dhe njëkohësisht biseduan edhe me Drejtorin e Aeroportit të Zagrebit i cili po ashtu shprehu gatishmërinë për përkrahje maksimale.
Për këtë është njoftuar edhe kryeministri kroat, Andrej Plenkoviqi cili e vlerësoi si një hap shumë të rëndësishëm fillimin e linjes ajrore Prishtinë Zagreb dhe anasjelltas si një urë lidhëse mes dy shteteve e cila do të këtë ndikim pozitiv si në fushën e turizmit ashtu edhe në ekonimitë e 2 vendeve në përgjithesi duke ofruar mundësi më të mira udhëtimi për të dy vendet.
Një kontribut të veçantë në hapjen e kësaj linje ka dhënë edhe deputetja shqiptare në Parlamentin Kroat Elmina Lekaj Perlaskaj.
Linja e lartëpërmendur do të operohet me Avion Airbus 319 i cili është i emëruar Nënë Tereza.
