Qeveria e Kosovës e ka mbajtur një mbledhje elektronike ku ka miratuar vendimin për themelimin e një komiteti për koordinimin dhe vlerësimin e situatës me pandeminë COVID-19.
Ky vendim vjen një ditë pas mbledhjes së Këshillit të Sigurisë Kombëtare, që u mblodh për shkak të gjendjes alarmante me numrin e madh të viktimave që po regjistrohen çdo ditë.
Siç njofton Zyra e Kryeministrit, Komiteti për koordinimin dhe vlerësimin e situatës me pandeminë COVID-19 do ta ketë këtë përbërje:
1. Dr. Arben Vitia, Kryesues;
2. Ministria e Punëve të Brendshme (MPB), Zëvendës kryesues;
3. Zyra e Presidentes së Republikës së Kosovës, anëtar;
4. Mehdi Sejdiu, Këshilltar i Zëvendëskryeministrit të parë të Republikës së Kosovës, anëtar;
5. Prof. Dr. Naser Ramadani, anëtar;
6. Ministria e Punëve të Jashtme dhe Diasporës (MPJD), anëtar;
7. Ministria e Financave, Punës dhe Transfereve (MFPT), anëtar;
8. Ministria e Drejtësisë (MD), anëtar;
9. Ministria e Mbrojtjes (MM), anëtar;
10. Ministria e Shëndetësisë (MSH), anëtar;
11. Ministria e Arsimit, Shkencës, Teknologjisë dhe Inovacionit (MASHTI), anëtar;
12. Ministria e Kulturës, Rinisë dhe Sportit (MKRS), anëtar;
13. Ministria e Administrimit të Pushtetit Lokal (MAPL), anëtar;
14. Ministria e Mjedisit, Planifikimit Hapësinor dhe Infrastrukturës (MMPHI), anëtar;
15. Ministria e Bujqësisë, Pylltarisë dhe Zhvillimit Rural (MBPZHR), anëtar;
16. Ministria e Industrisë, Ndërmarrësisë dhe Tregtisë (MINT), anëtar;
17. Ministria e Ekonomisë (ME), anëtar;
18. Ministria për Komunitete dhe Kthim (MKK), anëtar;
19. Ministria e Zhvillimit Rajonal (MZHR), anëtar;
20. Agjencia e Ushqimit dhe Veterinarisë, anëtar;
21. Agjencia e Kosovës për Inteligjencë, anëtar;
22. Policia e Kosovës, anëtar;
23. Këshilli për Siguri, anëtar;
24. Agjencia për Menaxhimin e Emergjencave, anëtar;
25. Shërbimi Spitalor dhe Klinik Universitar i Kosovës (SHSKUK), anëtar;
26. Inspektorati i Tregut / (MINT), anëtar;
27. Ftohet ta dërgoj një përfaqësues, Zyra e Kryeprokurorit të Shtetit, anëtar.
Sekretari i Përgjithshëm i Ministrisë së Shëndetësisë do të caktojë Sekretariatin e Komitetit, ndërsa ky komitet obligon Komunat që të themelojnë nënkomitete komunale me qëllim të parandalimit dhe luftimit të pandemisë.
