Kryetari i Bordit të Asociacionit të Gazetarëve të Kosovës, Xhemajl Rexha, thotë se sulmi ndaj gazetarit Valon Syla është më i rëndi që kur u sulmua gazetari Visar Duriqi.
Tutje, Rexha thotë se sulmi i djeshëm është goditje e rëndë ndaj lirisë së shprehjes në Kosovë, e cila merret si model, kur krahasohet me vendet në rajon.
“Është një goditje e rëndë ndaj asaj që jemi ta munduar ta ndërtojmë”, tha ai në T7.
Drejtuesi i AGK-së thotë se nuk ka asnjë justifikim të dhunës ndaj gazetarit Syla, sepse kjo është shkelje e lirisë elemetare të garantuara me Kushtetutë.
“Nuk ka në raste të tilla asnjë ‘por’. Është sulm fizik ndaj një qytetari të Republikës së Kosovës për fjalën e lirë”.
Rexha thotë se sulmuesit e kanë bërë me paramendim sulmin ndaj Sylës dhe ai ka qenë i planifikuar.
“Sulmi është i planifikuar dhe është bërë me paramendim. E kanë zgjedhur natëbn, kur kanë besuar se nuk do të identifikohen”, ka thënë Rexha. a
Kryetari i Bordit të AGK-së ka thënë se dënimet e buta ndaj sulmuesve të gazetarëve janë inkurajuese për sulme të tjera.
