Prishtina ka ndezur dritat e dekorimeve për fundvit, bashkë me tregun “Verë n’Dimër”, që po frekuentohet jashtëzakonisht shumë çdo ditë.
Kjo gjë ka marrë vëmendjen e medieve ndërkombëtare me nam, si Associated Press, Canadian Press e Reuters.
Këta të fundit po qëndrojnë për vizitë në Prishtinë dhe morën për prononcim edhe kryetarin e kryeqytetit, Përparim Rama.
“Prishtina po cilësohet si një nga destinacionet më të bukura për t’u vizituar këtë fundvit!
Ky është një moment krenarie, ku puna dhe përkushtimi ynë po reflektohen si histori suksesi, frymëzimi dhe një shembull i shkëlqyer në arenën globale”, u shpreh Rama pas intervistës.
Ky është njoftimi i plotë i tij:
Sonte pata kënaqësinë të jap intervistë për REUTERS, një nga agjencitë më të mëdha të lajmeve në botë.
Kryeqyteti ynë, i ndriçuar dhe plot jetë, u pasqyruar edhe në “Associated Press”, “Canadian Press” dhe mediet tjera prestigjioze botërore.
Prishtina po cilësohet si një nga destinacionet më të bukura për t’u vizituar këtë fundvit!
Ky është një moment krenarie, ku puna dhe përkushtimi ynë po reflektohen si histori suksesi, frymëzimi dhe një shembull i shkëlqyer në arenën globale.
