Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri ka reaguar për krizën energjetike në vend.
Përmes një postimi në profilin e tij zyrtar në rrjetin social Facebook, shefi i deputetëve të AAK-së, Besnik Tahiri, ka kritikuar ashpër Qeverinë rreth situatës së krizës energjetike në vend.
Tahiri ka thënë se pasojat po u faturohen atyre që i besuan, siç tha ai, ‘mashtrimit “Erdhi Dita”.
“E vetmja ditë e ardhur është e atyre që qeverisin në terr!”, ka thënë Tahiri.
Postimi i plotë:
Rrymë JO, projeksione për krizën që pritet gjatë dimrit JO. Rroga me rritje JO, zgidhje JO. Opsione për menaxhim JO.
Pasojat po u faturohen atyre që u duhet drita, shumë prej tyre janë nga ata që i besuan mashtrimit ‘Erdhi Dita’.
E vetmja ditë e ardhur është e atyre që qeverisin në terr!
Dijeni një punë, situata është kritike, edhe më kritike sa që ju po e shihni! Po duket që pushteti ju vërboi./Prishtinapress/
