Kreu i Serbisë, Aleksandar Vuçiq së fundmi ka reaguar në lidhje me deklaratat e bëra nga kreu i AAK-së, Ramush Haradinaj.
Haradinaj gjatë ditës së djeshme deklaroi se “Beogradi do të bombardohet nëse vetëm një ushtar serb hyn në Kosovë”.
Vuçiq deklaratën e Haradinajt e quajti “marrëzi dhe të pakuptimtë”.
“Ai dëshiron të na bombardojë neve apo dikush tjetër”, tha Vuçiq, raporton Danas.
Ai theksoi se Serbia do të ruajë paqen dhe stabilitetin dhe se sipas tij “forca e Serbisë është ushtria e cila do të jetë vetëm më e fortë”.
