Disa shtëpi dhe lokale përcjellëse në Prishtinë, Ferizaj, Vushtrri dhe Lipjan, janë kontrolluar dhe bastisur sot, gjatë aksionit në rastin ‘Brezovica’, për shkak të dyshimit të veprave penale “Fajdeja”.
Ky aksion është bërë në bazë të urdhëresës së lëshuar nga Gjykata Themelore në Ferizaj për lëshimin e urdhëresës për kontroll dhe sekuestrim te përkohshëm të shtëpive, lokaleve përcjellëse dhe auto salloneve.
Aksioni u ekzekutua nga Prokuroria Themelore në Ferizaj, në bashkëpunim me Policinë e Kosovës, Drejtorinë për Hetimin e Krimeve të Rënda (DHKR) në Prishtinë, Administratën Tatimore të Kosovës (ATK) dhe Doganën e Kosovës.