Dushan Maksimoviq, Vladimir Toliq dhe Blagoje Spasojeviq janë tre nga 45 të dyshuarit që sot u sollën përpara Gjykatës Themelore të Prishtinës në seancën fillestare të rastit të Banjskës.
Gjyqtari i rastit, Arben Hoti, deklaroi se do të procedohet rasti në mënyrë ndaras, teksa më pas verifikoi të dhënat e të të pandehurve.
Avokatët mbrojtës të tre të pandehurve deklaruan se pranuan shkresat në formë elektronike dhe se të njëjtat i duan në formë fizike, duke kërkuar qe seanca të shtyhet pasi sipas tyre, nuk mund të vijojë kësisoj.
Fillimisht, pProkuroria deklaroi se nuk është e arsyeshme të shtyhet seanca, duke marrë parasysh tendencën për të zvarritur këtë proces.
Megjithatë, gjyqtari i rastit, u dha kohë të pandehurve dhe avokatëve të tyre për të lexuar aktakuzën dhe shqyrtuar pranimin e fajësisë.
Për këtë arsye, seanca u shtye për 9 tetor, në ora 09:30./IndeksOnline/