Kryetarja e Lëvizjes Evropiane të Serbëve të Kosovës, Rada Trajkoviq, do të emërohet këshilltare e ministrit për Komunitete dhe Kthim, Nenad Rashiq.
Këtë informacion e ka konfirmuar vetë Rashiq.
“Me të drejtë është emëruar sepse ka përvojë dhe njohuri të pasur dhe është e sigurt se prej saj mund të mësohet shumë dhe do të japë një kontribut të madh në punën e ministrisë. Përveç kësaj, ajo ishte një nga kandidatet në listë dhe kështu mori përgjegjësinë dhe pati guximin të ishte pjesë e listës së Iniciativës Qytetare për Liri, Drejtësi dhe Mbijetesë deklaroi Rashiq.
Në zgjedhjet e fundit parlamentare në Kosovë, Rada Trajkoviq ishte në listën e Iniciativës Qytetare Liri, Drejtësi dhe Mbijetesë, e cila fitoi 1508 vota ose 0.173 për qind.
Mirëpo, pas dorëheqjes së deputetëve të Listës Serbe në fillim të nëntorit, në Kuvendin e Kosovës “hyri” Cvetko Veljkoviq, i cili ishte kandidat I kësaj iniciative.
Por, dy ditë pas betimit, Veljkoviq u largua nga kjo Iniciativë Qytetare.
“Unë do të përfaqësoj interesat e serbëve me Kosovën dhe do të ndjek politikën e shtetit të Serbisë”, tha Cvetkoviq./Prishtinapress/
