Raporti i Agjencisë Kundër Korrupsionit: 1873 zyrtarë ushtrojnë dy e më shumë funksione, njëri nga ta ushtron 8

Shaip Havolli në këtë intervistë ka treguar se kur pritet të shpallet deklarimi final i pasurisë së zyrtarëve shtetërorë si dhe a ka përkushtim në luftë kundër korrupsionit.

Drejtori i AKK-së, Shaip Havolli gjatë intervistës në emisionin “Përballje” në Telegrafi.com

Ndryshe në raportin vjetor të AKK-së të vitit 2018 duke u bazuar në të dhënat e deklarimit të pasurisë të realizuara në vitin 2018, të dhëna të deklaruara për vitin paraprak, është gjetur se ekziston një numër i madh i zyrtarëve të lartë publik, të cilët ushtrojnë dy e më shumë funksione.

Sipas raportit gjithsej zyrtarë që ushtrojnë dy e më shumë funksione janë 1873 zyrtarë të shtetit.

Raporti ka gjetur se një person në Kosovë ushtron tetë funksione të ndryshme, 2 persona kanë nga 7 funksione, 13 persona kanë nga pesë funksione, 37 zyrtarë kanë nga katër funksione, 367 zyrtarë kanë nga tre funksione dhe 1451 zyrtarë kanë nga dy funksione. /Telegrafi/

PostAdss