Kryetari i Aleancës për Ardhmërinë e Kosovës, Ramush Haradinaj ka shtruar Iftar për përfaqësuesit e Bashkësisë Islame të Kosovës.
Lajmi është bërë i ditur nga vet Haradinaj përmes një postimi.
“Sonte në Selinë e AAK-së, në vazhdimësi të traditës, pata kënaqësinë të shtroj iftar për përfaqësuesit e nderuar të Bashkësisë Islame të Kosovës”, ka shkruar ai.
Ndër të tjera ka thënë se ka ndarë medalje për Myftiun e Republikës së Kosovës, Naim Tërnavën.
Postimi i plotë i tij:
Muaji i Ramazanit, agjërimi, lutjet dhe devotshmëria ndaj Krijuesit, të na shërbejnë në thellimin dhe forcimin e përkrahjes dhe zemërgjerësisë ndërmjet të gjithë neve.
Sonte në Selinë e AAK-së, në vazhdimësi të traditës, pata kënaqësinë të shtroj iftar për përfaqësuesit e nderuar të Bashkësisë Islame të Kosovës.
Me këtë rast, në shenjë mirënjohje për kontributin e tij të jashtëzakonshëm në çështjen kombëtare, kam ndarë medaljen “ME BESIM NË ZOT, ATDHE E SHTET” për z. Naim Tërnava, Myfti i Republikës së Kosovës.
Rrugëtimi njëmujor me agjërim, lutje dhe reflektim, të na motivojë për të qenë të bashkuar, si shoqëri tolerante dhe shtet i fortë, të gatshëm dhe të aftë për t’u përballur me të gjitha sfidat.
Zoti ua pranoftë agjërimin dhe lutjet tuaja!
