Familjes Sopaj nga Malisheva i janë shuar sot dy anëtarë të familjes.
Në një aksident të ndodhur në Podujevë, dy persona ndërruan jetë (burrë dhe grua) dhe dy të tjerë (fëmijë) mbetën të lënduar rëndë.
Lidhur me këtë ka reaguar edhe i pari i AAK-së, Ramush Haradinaj.
“Kosova më së shumti gëzohet kur i vijnë më të dashurit nga mërgimi. Fatkeqësisht, familjes Sopaj nga Malisheva, gëzimi iu shndërrua në tragjedi, që na pikëlloi të gjithëve. Bashkëndjejmë dhembjen me ta dhe urojmë që të lënduarit të shërohen sa më shpejtë!” ka shkruar ai në Facebook.
Kujtojmë se familja Sopaj ishte nisur nga mërgata drejt Kosovës.
