Drejtori i Institutit Kombëtar të Shëndetit Publik, Naser Ramadani ka thënë se asnjë qytet në Kosovë nuk është lënë anash në këtë situatë me COVID-19 dhe i tërë territori i Kosovës është në mbikëqyrje.
Ramadani në emisionin Zyra e Ankesave në RTV Dukagjini tha se Prishtina është kryeqytet dhe është top prioritet, e vëmendje të posaçme ka edhe Malisheva për shkak të specifikave.
Por, sipas tij, asnjë qytet i Kosovës nuk është lënë anash në këtë situatë me COVID-19.
Drejtori i IKSHP-së sërish kërkoi nga qytetarët që të zbatojnë rekomandimet në mënyrë që situata me coronavirus të jetë nën kontroll.
I pyetur se kur mund të pimë kafe në kafiterit e kryeqytetit, Ramadani tha se së shpejti por pa precizuar kohën kur.
“… së shpejti edhe në kafiteri”, tha Ramadani, duke mos dhënë kohën e saktë.